ຊາຍຜູ້ອ້າງວ່າ ພะລັງຕົດຂອງເຂົາຂ້າຍຸງໄດ້ໃນໄລຍະ 6 ແມັດ ຈົນບໍລິສັດຢາກັນຍຸງຈ້າງໄປຮ່ວມງານດ້ວຍ

ລອງນຶກພາບວ່າ ການກະທຳທີ່ໂດຍທົ່ວໄປແລ້ວສ້າງຄວາມລັງກຽດໃຫ້ກັບຄົນອື່ນເຊັ່ນ ການຕົດ ແຕ່ຖ້າຫາກມັນສາມາດກໍ່ໃຫ້ເກິດປະໂຫຍດກັບຜູ້ຄົນໄດ້ເຊັ່ນກັນ ມັນຈະວິເສດສຳໄດ

ເມື່ອ Joe Rwamirama ຊານໄວ 48 ປີ ຈາກເມືອງກັມປາລາ ປະເທດອູກັນດາ ໄດ້ອ້າງວ່າ ພະລັງຕົດຂອງເຂົາສາມາດສັງຫານຍຸງໄດ້ພາຍໃນໄລຍະ 6 ແມັດ

ອາດຟັງແລ້ວເປັນເລື່ອງເຫລືອເຊື່ອ ແຕ່ຫລັງຈາກຂ່າວຂອງເຂົາໄດ້ຖືກເຜີຍແຜ່ອອກໄປ ບໍລິສັດຜະລິດຢາກັນຍຸງ 2 ແຫ່ງເຖິງກັບຢື່ນຂໍ້ສະເຫນີຈະດຶງຕົວເຂົາໃຫ້ມາຮ່ວມງານເພື່ອເຮັດການສຶກສາພະລັງພິດສະຄາດນັ້ນ ແລະ ໃຊ້ເປັນແນວທາງໃນການພັດທະນາຢາກັນຍຸງຕົວໃຫມ່ເລີຍ

ຊື່ສຽງຂອງເຂົາກໍ່ເປັນທີ່ເລື່ອງລືໃນຫມູ່ບ້ານມາດົນແລ້ວ ຊາວບ້ານຈະຮູ້ກັນວ່າເມື່ອໃດທີ່ເຂົາມາບ່ອນນັ້ນຍຸງຈະຫາຍໄປຢ່າງຫນ້າອັດສະຈັນ ແມ້ແຕ່ James Yoweri ຊ່າງຕັດຜົມໃນຫມູ່ບ້ານກໍ່ຢືນຢັນອີກສຽງວ່າ ເຂົາສາມາດຂ້າຍຸງໄດ້ດ້ວຍພະລັງຕົດ “ໃນທຸກທີ່ທີ່ເຂົາໄປ ຍຸງຈະຫາຍໄປທັນທີ ແຕ່ເຂົາກໍ່ໃຫ້ກຽດຄົນຮອບຕົວເຂົາ ເພາະເຂົາຈະປ່ອຢຕົດອອກມາເມື່ອມີຍຸງຢູ່ອ້ອມໆເທົ່ານັ້ນ ແລະ ພວກມັນຍັງເປັນພາຫະພະຍາດມາລາເດຍດ້ວຍ ຊຶ່ງພະລັງນັ້ນສາມາດກຳຈັດພະຍາດນີ້ໄດ້”

ທາງດ້ານນາຍບ້ານທີ່ຮູ້ຈັກ Joe ຕັ້ງແຕ່ເຂົາຍັງເດັກນ້ອຍກໍ່ຍັງກ່າວວ່າ ໃນຊ່ວງທີ່ມາລາເລຍລະບາດ ໃຜກໍ່ຕາມທີ່ຢູ່ໃກ້ເຂົາຈະບໍ່ເປັນພະຍາດນີ້ເລີຍ ແລະ ຕັວ Joe ເອງກໍ່ບໍ່ເຄີຍໄດ້ສົມຜັດຄວາມຮູ້ສຶກຂອງການຖຶກຍຸງກັດວ່າມັນເປັນແນວໃດ

ສ່ວນເຈົ້າຂອງພະລັງຕົດກໍ່ເວົ້າເຖິງເລື່ອງສ່ວນຕົວຂອງເຂົາວ່າ ເຂົາກໍ່ກິນຄືຄົນທົ່ວໄປ ມີກິ່ນຕົວຄືຄົນປົກຕິ ອາບນ້ຳທຸກມື້ ແລະ ກໍ່ຕົດຄືກັບຄົນອື່ນ ໆ ພຽງແຕ່ຕົດຂອງເຂົາຈະເປັນອັນຕະລາຍຕໍ່ແມງຕົວນ້ອຍໆ ໂດຍສະເພາະຍຸງ

ຂະນະທີ່ນັກວິທະຍາສາດເຊື່ອວ່າ ສິ່ງທີ່ເກິດຂຶ້ນກັບ Joe ອາດຈະເປັນຫນຶ່ງໃນຊະນິດຂອງການຜ່າເຫຼົ່າທີ່ເກິດວິວັດທະນາການຈົນສາມາດຕ້ານເຊື້ອມາລາເລຍໄດ້ ແລະ ຕອນນີ້ຕົວ Joe ເອງກໍ່ນຶກພາບຕອນທີ່ຊື້ຢາກັນຍຸງ ແລະ ມີພາບຂອງຕົວເອງຕິດຢູ່ສະຫລາກໄວ້ແລ້ວ ແມ້ຍັງບໍ່ມີການເປິດເຜີຍຈາກ 2 ບໍລິສັດທີ່ຕິດຕໍ່ໄປຫາເຂົາຕາມທີ່ກ່າວເຖິງກໍ່ຕາມ