ເປີດແລ້ວແຫຼ່ງທ່ອງທ່ຽວພູຜາມ່ານ ແຂວງຄຳມ່ວນ 14/12/2019

ວັນທີ 14 ທັນວາ 2019 ທ່ານ ອິນທີ ເດືອນສະຫວັນ ເຈົ້າຂອງບໍລິສັດ Green Discovery Laos ເຊິ່່ງເປັນຜູ້ຮັບສຳປະທານເຮັດກິດຈະກຳທ່ອງທ່ຽວໃນພູຜາມ່ານ ໄດ້ເຮັດພິທີເປີດແຫຼ່ງທ່ອງທ່ຽວຈຸດຊົມວິວພູຜາມ່ານ ຫຼື (The Rock Viewpoint), ເມືອງຄູນຄຳ, ແຂວງຄຳມ່ວນ ໂດຍທາງບໍລິສັດໄດ້ເຂົ້າມາປັບຈຸດຊົມວິວ, ສ້າງຫ້ອງນ້ຳ, ສູນຂໍ້ມູນ ລວມທັງອຸປະກອນສຳລັບການຫຼີ້ນກິດຈະກຳແບບຜາດໂຜນ

ພູຜາມ່ານ ເປັນແຫຼ່ງທ່ອງທ່ຽວຢູ່ໃນເຂດບ້ານຄູນຄຳ, ເມືອງຄູນຄຳ ໄປເສັ້ນທາງເລກ 8 (ລາວ-ຫວຽດນາມ) ເຊິ່ງສະຖານທີ່ທ່ອງທ່ຽວເຂດດັ່ງກ່າວນອກຈາກພູຜາມ່ານ ຍັງມີສະຖານທີ່ທ່ອງທ່ຽວສຳຄັນອື່່ນໆເຊັ່ນ: ຖ້ຳນາງແອ່ນ, ຖ້ຳພຣະ, ຖ້ຳກອງລໍ, ຖ້ຳເຊບັ້ງໄຟ ແລະ ປ່າສະຫງວນແຫ່ງຊາດພູຫີນໜາມໜໍ່

Cr: PhenluangPhenlao